انا لحبيبى وحبيبى الى

ماما: بسبوسه بسبوسه .بنت يانوسه يانوسه شايله البسبوسه ولا وكبيرتى يانوسه وبقيتى عروسه

...................................................................

هو:بتحبى اغنية بسبوسه بتاعة فيرز

انا هى بتاعة فيروز

هو:بتحبى رأفت الهجان؟

انا:اشمعنى رأفت الهجان

هو:مش عارف بس بحبه وبحبك

انا:عارف لما تقابل حد ويعجبك كلامه وتقابل حد تانى يعجبك نقاءه وتقابل حد تالت يعجبك صراحته معاك وتقابل حد رابع تتمنى انك تقابل حد يبعد عنك كل الناس وتفضل معاه هو وبس

هو:امممممممم

انا:انت

هو:طول عمرىبقول ان مراتى محدش هيتجوزها غيرى ولو بعد ميت سنه

انا:اوقات كتير بحس انى زعلانه من غير سبب فقول اكيد الانسان اللى هتجوزه زعلان دلوقتى ولما بفرح اوى من غير سبب برضه بقول اكيد هو فرحان

هو: اشمعنى اللى هتتجوزيه مايمكن حد تحبيه بس

انا :لانى مش هتجوز غير اللى هحبه واحس انى منه وهو منى هو مش انا مخلوقه منه برضه

هو :بحبك اوى

انا: انا لحبيبى وحبيبى الى ياعصفوره بيضا لابقى تسألى

لايعتب حدا ولايزعل حدا انا لحبيبى وحبيبى الى

حبيبى ندهلى قالى الشتا راح رجعت اليمامه زهر التفاح

وانا على بابى ندى والصباح وبعيونك ربيعى نور روحى لى

وندهلى حبيبى جيت بلا سؤال من نومى سرقنى من راحة البال

انا على دربه ودربه عالجمال

ياشمس المحبه حكايتنا اغزلى

تاج

سبع حاجات نفسى اعملهم

اخد اجازه اسبوع واقعدهم لوحدى بعيد عن كل الناس

اصلى كويس وابطل اوقع فروض

يبقالى بيت بتاعى

افتح صيدليه

دموعى تنزل وقت مااحتجلها

الف العالم قبل ما اكمل الخمسين سنه

اغير مخدة السرير

سبع حاجات معرفش اعملهم

معرفش اتفرج على ماتش واستمتع

مبعرفش اعوم

معرفش ابطل تفكير

مبعرفش اعيط اكتر من دقيقه

معرفش اندم

معرفش اخبز عيش ناشف

معرفش اسيب الشغل واقعد فى البيت

سبع حاجات بقولهم دايما

مش عارفه

طيب

والمفروض اعمل ايه؟

اتخنقت

انا اللى غلطانه

حاضر

عايشه

سبع مشكلات فى حياتك تحلهم الفلوس

اشترى بيت

احج كل سنه

افتح صيدليه

اسافر فرنسا

ادرس اى حاجه فى الجامعه الامريكيه

اشترى جهاز رياضه غالى

اشترى يخت

سبع اماكن بحبها

اى ارض زراعيه

جنينة الزنزلغت اللى قدام بيتى القديم

المسجد الحرام

دريم بارك

قبر ماما

تنده فى الجامعه

ماكدونلز

سبع حاجات بحبهم اوى

ريحة الصبح

الورد الازرق

المكرونه بالبشامل

النسكافيه

الجيمز

برنامج مع جويل احلى

الجزم اللى بكعب لانى مبعرفش البسهم وبتكعبل

قالوا الرحيل فما شككت بأنها

نفسى عن الدنيا تريد رحيلا

الصبر اجمل غير ان تلددا

فى الحب احرى ان يكون جميلا

اتظننى اجد السبيل الى العزا

وجد الحمام اذا الى سبيلا

رد الجموح الصعب اسهل مطلبا

من رد دمعا قد اصاب مسيلا

انى تأملت النوى فوجدتها

سيفا على مع الهوى

ثم تصبح اللعبه اكثر تعقيدا

يأتى ال هو فى نهاية المسرحيه ويضع وردته ارضا

كانت تخبرنى ان ابطالها تنسجهم اكثر حلما وخجلا من الواقعيه كانت تمزج حركاتهم بموسيقى الباليه .وسهاما تتساقط عليهم سهاما بيضاء كانت دقيقه فى الالوان وفى الحركات .لم يكن لديها وقت للدراسه احيانا يعيق العلم العقل فيكفى التخيل

اما الان فبطلها لا يرقص حول وردته فى خفة الباليه بل يتركها ويرحل

وصوت المسرحيه يشبه ضحكة السخريه

ربما ضحكة الموت لاحتضان الفراق

ربما ضحكة الحب لبداية جديده

ربما ضحكة الخوف للحياه

وهكذا يغرق المشاهد فى الربما

اعلم ان جنونها لم يكن مصطنع بل كانت تتحدث فى خرافه ولامجال للتفكير فلا احد يستطيع مجارات انعكاسات وتحورات حديثها .كنت كعادتى معها اضحك فى منتصف الحديث

ثم:اين انتى الان؟

تصمت وتحكى

المشهد القادم

قررت كليوباترا ان تحيا فاخذت الورده التى تركها ال هو واعطتها لفتاه تبيع الورد فربما يحسب لها نجاة من النار

واترك المشاهد يغرق فى الربما

اذن من اين تبدأ المسرحيه

من الورده

وال هو

لا اظنه يهتم فلنتركه

فالبكاء عطر الفكره

كيف يأتى

فلنجعل للورده شوك ولبائعة الورده يدا من دماء فربما الدماء بكاء الورده وربما بكاء الموت وربما بكاء الجسد

واترك المشاهد يغرق فى الربما

كانت كلما استعادت عقلها وتحدثت فى وعى تخبرنى انها احبت ذات يوم وكانت تجلس ليلا مخابطه القمر مرسالا. لم تكن تعشق كائنا بل كانت تعشق من يقول للشئ كن فيكون ثم غرقت فى عشق الكائن حتى ذل القب

كنت استرد قائله والعقل ايضا

سارت تحلم وترسم خرائطا للنهايات القريبه والبعيده

كانت تموت ثم تحيا تموت ثم تحيا وانا اعجز عن اللحاق بها

وفى موتها الاخير انهت بعض المشاهد كمولد ال هو من الاشئ واختفاءه فى اللاشئ

وصرة الحائط الوهميه التى ستعلن لكل المشاهدين ان الامر لايستحق

وان بحر الربما جاف

وانى وهى وال هو انقاضا للذات

وربما لايدرك المشاهد سوى لون الورده

فيأتى ال هو فى النهايه ويطفئ الانوار مجبرا المشاهد على الرحيل

وهل يقبلنى الحب

انا:لقيت اللى هتجوزه ياماما

ماما:انتى صغيره ياحبيبتى

انا:بس هو شكل الهنود وكمان وشة حلو عليه صدقينى هو

ماما:هههههههه,على كده لازم ده يشجعك انك تذاكرى وتطلعى الاولى على المدرسه

انا:وهتقتنعى بكلامى لو طلعت الاولى وتعرفى انى بحبه

...................................................

انا:لقيت اللى هتجوزه ياماما

ماما:تانى يامى

انا:بس هو بيكتب شعرزيى وقصير وانا مبحبش البس كعب

ماما:انتىكبرتى يامى ومينفعش تفكرى كده

1

2

3

ماما:لسه بتكلميه؟

انا :ايوه

1

2

3

انا:ماما ماتت

هو:بحبك.تتجوزينى

1

2

3

هو:انا مش قادر اكمل انا حاسس انى بزق فى حيطه

انا:طيب ليه قربت من الاول

1

هو :اسف سامحينى واقفى جنبى ومتسبينيش

انا:حاضر

1

2

3

هو:عملتى ايه فى النتيجه؟

انا:نجحت,يمكن رغم انك سبتنى وقت امتحاناتى ووفاة ماما

هو:ربنا بيحبك

1

2

3

هو:انتى ليه يامى مبتسأليش عنى ولابتكلمينى زى ما انا بكلمك وبسأل عنك

انا:مش عارفه

4

5

بابا:انتى زى مامتك مش هتحبى غير لما تتجوزى ولو متجوزتيش غصب عنك مش هتتجوزى

انا:بس ماما كانت بتحبك

1

2

هو:زمان يامى كنتى طفله مبتعمليش حاجه غير انك تشكى زى طفل عنده ست سنين

انا:ودلوقتى

هو:لااتغيرتى خالص بقيتى حاجه تانيه

انا:انت عارف انت بقالك اد ايه متعرفش عنى حاجه.انا خايفه

3

4

هو: انتى مبتحبينيش

انا:يمكن اكون مبعرفش اعبر عن مشاعرى زيك بس بحبك

1

2

هو:كل سنه وانتى طيبه بمناسبة عيد الحب

انا:وانت طيب

هو:وحشتينى

:):انا

هو:بحبك بس انتى بتحبينى اكتر

...............................

انا:ازيك؟

هو:اسف مش هينفع اكلمك تانى انا ارتبطت

انا:كويس مبروك

هو:عقبالك

انا:انشاء الله

...........................

انا:هو خطب؟

غ:اه قريب هو بيحبها قوى بيجرى وراها من فتره طويله

انا:من امتى؟

غ:مش عارفه بس هو كان مرتبط بواحده قبلها وقعد معاها شهرين وسابها وقلها انه بطل يحبها

انا:امتى الكلام ده

غ:هو سابها فى ديسمبر

انا:يعنى كان مرتبط بيها فى نوفمبرلما كلمنى وقالى انه بيحبنى ووحشته

.......................

انا:انا مش زعلانه انه ارتبط,انا زعلانه على نفسى

ى:ليه؟

انا:علشان كل ماحد يقرب منى ببعد عنه بحس انى بخونه وهو معايا ارتبط اكتر من مره وبعدى برضه مرتبط ومبسوط

.....................

م:عارفه يامى انتى مشكلتك ايه؟

انا:ايه؟

م:انك مبتعرفيش تحبى اللى قدامك

م:مبتحسيش بيه غير لما بيتجاهلك او تحسى انه هيضيع منك

انا:ليه كل ماحد يقرب منى يقولى كده؟

م:عارفه يامى دى مش مشكله كبيره بالعكس دى ميزه عندك لانك بيها بتقدرى تنجحى فى حياتك ومبيهمكيش حاجه

......................

لان الامر يوجع جدا

اراك عصى الدمع شيمتك الصبر

اما للهوى نهى عليك ولا امر

بلى انا مشتاق وعندى لوعة

ولكن مثلى لا يذاع له سر

اذا الليل اضوانىبسطت يدى الهوى

واذللت دمعا من خلائقه الكبر

تكاد تضئ النار بين جوانحى

اذ هى اذكتها الصبابة والفكر

معللتى بالوصل والموت دونه

اذا مت ظماّنا فلا نزل القطر

وفيت وفى بعض الوفاء مذله

لانسة فى الحى شيمتها الغدر

فأيقنت ان لاعز بعدى لعاشق

وان يدى لما علقت به صفر

وقلبت امرى لا ارى لى راحة

اذا البين انسانى الح بى الهجر

بمناسبة عيد الام

مروه:ممكن تشتريلى بوكية ورد من شبين معاكى وانتى جايه

انا:حاضر بس اشمعنى؟

مروه:عشان عيد الام يابت

انا:اه كل سنه وهى طيبه

....................................

واحده فى محل الورد:اكيد صحبة الورد دى هتعجب مامتك اوى

انا:لا لا دى لواحده زملتى

.....................................

مديرى:يالايامى افتحى الصندوق عايزين نجيب هدية لست الحبايب.يلا كل واحد يحط خمسه جنيه

انا:انا امى ميته مش حاطه حاجه

ورغم كده دفعت برضه

يالا ربنا يرحمك ياامى

......................................